ორელიენ ჩუამენი სოციალურ ქსელში ფედერიკო ვალვერდესთან დაკავშირებულ ინციდენტს გამოეხმაურა.
„რაც ამ კვირაში ვარჯიშზე მოხდა, მიუღებელია.
ამას ვამბობ იმ მაგალითზე ფიქრით, რომელიც ახალგაზრდებს უნდა მივცეთ - იქნება ეს მოედანზე თუ სკოლაში. მნიშვნელობა არ აქვს, ვინ იყო მართალი და ვინ - არა; კონფლიქტის გადასაჭრელად ყოველთვის ყველაზე მშვიდი გზა უნდა ვეძებოთ.
უპირველეს ყოვლისა, ბოდიშს ვიხდი იმ სურათისთვის, რომელიც კლუბმა წარმოაჩინა. ვიცი, რომ გულშემატკივრები, სამწვრთნელო შტაბი, ჩემი თანაგუნდელები, ხელმძღვანელობა - ყველა ძალიან იმედგაცრუებულია იმით, თუ როგორ განვითარდა ეს სეზონი.
მაგრამ იმედგაცრუება ყველაფრის გამართლებად ვერ გამოდგება. მსგავსი ინციდენტები, თუნდაც ნებისმიერ გასახდელში შეიძლება მოხდეს, მადრიდის რეალი ამის ღირსი არ არის. განსაკუთრებით მაშინ, როცა იცი, რომ რეალი მსოფლიოში ყველაზე განხილვადი კლუბია.
ინტერნეტს უყვარს ხმაურისთვის ყველაზე დაუჯერებელი ისტორიების გამოგონება, ამიტომ ნუ დაიჯერებთ ყველაფერს, რასაც ამბობენ და ცრუ ნარატივებს.
ნებისმიერ შემთხვევაში, ახლა აღარ არის დრო იმის გასარკვევად, ვინ რა გააკეთა, ვინ რა თქვა, ან ვინ იყო მართალი და ვინ - არა. ვიღებ კლუბის სანქციას და ამას ვეთანხმები.
ჩვენ ოჯახად ვრჩებით - ზოგჯერ უთანხმოებებით, მაგრამ ჩვენი მიზნები ყოველთვის ყველაფერზე მაღლა უნდა დავაყენოთ.
ბოდიში უკვე მოვუხადე გუნდს და ასევე მსურს ბოდიში მოვუხადო ყველა მადრიდისტას.
ახლა დროა, წინ წავიდეთ და მთელი ჩვენი ყურადღება ელ კლასიკოსა და სეზონის დარჩენილ ნაწილზე გადავიტანოთ, რათა კლუბი კვლავ იმ მწვერვალზე დავაბრუნოთ, სადაც მისი ადგილია.“ - წერს ფრანგი ნახევარმცველი.
რა თანხით დასაჯა რეალმა ვალვერდე და ჩუამენი?
