ბოლო წუთების დრამა - ნაკრებს მსოფლიო ჩემპიონატზე ემოციური მატჩი ჰქონდა

ხორვატიის დედაქალაქ ზაგრებში მიმდინარე წყალბურთის 16-წლამდელთა მსოფლიო ჩემპიონატზე, საქართველოს ნაკრები მე-19 ადგილისთვის ითამაშებს.

ჩვენმა გუნდმა მე-17 ადგილისთვის საბრძოლველ მატჩში გადასასვლელ შეხვედრაში სინგაპურთან პენალტების სერიით წააგო. ძირითადი დრო 13:13 დასრულდა.

შესაბამისად, მე-17 ადგილისთვის სინგაპურელები ითამაშებენ, საქართველო კი მე-19 ადგილისთვის მატჩში ნიდერლანდებს დაუპირისპირდება.

შეგახსენებთ, ჩვენმა გუნდმა ჯგუფურ ეტაპზე პორტუგალია (7:4) და ურუგვაი (21:5) დაამარცხა, მასპინძელ ხორვატიასთან (4:20) და სერბეთთან კი (2:15) განადგურდა.