საქართველოს ნაკრები ისტორიის გადაწერასთან ერთ ნაბიჯშია

თელავში მიმდინარე ხელბურთის 18-წლამდელთა B დივიზიონის ევროპის ჩემპიონატზე, საქართველოს ნაკრებმა ტიტულის მოგების შანსი ბოლო მატჩამდე შეინარჩუნა.

ჩვენი გუნდი ბელგიის ნაკრებთან დაძაბულ შეხვედრაში 3-ბურთიანი სხვაობით დამარცხდა (30:33), თუმცა, ტურნირის ფორმატის გათვალისწინებით, ჩემპიონობის რეალური შესაძლებლობა აქვს.

საქმე ისაა, რომ ბელგიას 4 ბურთით გამარჯვება სჭირდებოდა, რათა ერთგვარ ფინალში ბულგარეთზე ის გასულიყო, და არა - საქართველო.

"ასეთ თამაშში წნეხი დავძლიეთ და ფინალში გავედით, რასაც ყველას ვულოცავ, განსაკუთრებით კი - მეკარეებს. მთელი გუნდის სახელით, მინდა, მათ მადლობა გადავუხადო, რადგან ბოლოსკენ ძალიან მნიშვნელოვანი ბურთები მოიგერიეს", - აღნიშნა მატჩის შემდეგ საქართველოს 18-წლამდელთა ნაკრების მთავარმა მწვრთნელმა, შოთა თევზაძემ.

ტურნირის საუკეთესო გუნდის გამოსავლენად ბულგარეთი, რომელმაც ჯგუფური ეტაპი პირველ ადგილზე დაასრულა, და მეორეადგილოსანი საქართველო 9 აგვისტოს 18:15 საათიდან ითამაშებენ.

შეგახსენებთ, რომ ჩვენები ბულგარელებს ჯგუფურ ეტაპზე შეხვდნენ და 3-ბურთიანი სხვაობით, 35:32 მოუგეს.

ქართველი ხელბურთელები ევროპაზე ფურორს ახდენენ და ვერავინ აჩერებს