ეკო გორგოძე ამერიკის ქალაქ ვანდისვილის W100 კატეგორიის ტურნირზე ტიტულისკენ მიიწევს.
ქართველმა ჩოგბურთელმა, ზედიზედ ორი გამარჯვების შემდეგ, 1/4 ფინალურ ეტაპზე ამერიკელ ქეროლაინ დოულჰაიდს (WTA-ს 256-ე ჩოგანი) რთული ორსეტიანი მატჩი მოუგო - 6:4; 7:6.
შედეგად, გორგოძე უმაღლესი მიზნისთვის ბრძოლას აგრძელებს და 1/2 ფინალში ტურნირზე პირველ ნომრად განთესილ ბელგიელს, ენი ვანდევინკელს (93-ე ჩოგანი) შეხვდება.
