UFC 333-ის დასრულების შემდეგ ორგანიზაციამ იმ მებრძოლების სია გამოაცხადა, რომლებმაც ღონისძიებაზე დამატებითი ფულადი ბონუსები დაიმსახურეს.
საღამოს საუკეთესო ბრძოლა (100 000 დოლარი თითოეულ მებრძოლს) - პიოტრ იანი vs მერაბ დვალიშვილი
მთავარ ბრძოლამდე გამართულ დაპირისპირებაში UFC-ის სუპერმსუბუქი წონის ჩემპიონმა პიოტრ იანმა მერაბ დვალიშვილი მსაჯების ერთსულოვანი გადაწყვეტილებით დაამარცხა და საჩემპიონო ქამარი წარმატებით დაიცვა.
ეს იყო ეპიკური, დაძაბული და სანახაობრივი ბრძოლა დივიზიონის ისტორიაში ორ გამორჩეულ მებრძოლს შორის. უპირატესობა მუდმივად ერთი მებრძოლიდან მეორეზე გადადიოდა, გამარჯვებულის ბედი კი მე-5 რაუნდში გადაწყდა.
ბოლო რაუნდი იანმა მოიგო, რამაც საბოლოოდ მსაჯების გადაწყვეტილებით გამარჯვება მოუტანა.
შედეგად, მერაბ დვალიშვილმა და პიოტრ იანმა საღამოს საუკეთესო ბრძოლის ბონუსი დაიმსახურეს და თითოეულმა დამატებით 100 000 დოლარი მიიღო.
საღამოს საუკეთესო პერფორმანსის ბონუსი (100 000 დოლარი) ალექსანდერ ვოლკანოვსკიმ და ლონიერ კავანამ დაიმსახურეს.
ბრძოლის ნაადრევად დასრულებისთვის განკუთვნილი ბონუსი (25 000 დოლარი თითოეულ მებრძოლს) კი აარონ პიკომ, დომინიკ რეიესმა, აბდულ რახმან იახიაევმა, აბუს მაგომედოვმა და კოდი სტილმა მიიღეს.
