როგორც იცით, ანდონი ირაოლა სეზონის ბოლოს ბორნმუთს 3-წლიანი მუშაობის შემდეგ დატოვებს.
გუშინ საღამოს „ალუბლებმა" ოფიციალურად დაადასტურეს, რომ ახალი სეზონიდან კლუბს გერმანელი სპეციალისტი მარკო როზე გაწვრთნის.
როზემ კლუბთან 3-წლიანი კონტრაქტი შეათანხმა, რომელიც ძალაში 1 ივლისიდან შევა.
გერმანელის უკანასკნელი სამუშაო ადგილი ლაიფციგი იყო, რომლიდანაც ის დაახლოებით ერთი წლის წინ დაითხოვეს. მისი საყვარელი სათამაშო სტილი გეგენპრესინგია.
რაც შეეხება ირაოლას, 43 წლის სპეციალისტმა სამი წელი ჯერ რაიო ვალეკანოში იმუშავა, შემდეგ კი ამდენივე გაატარა ბორნმუთშიც, სადაც იმდენად კარგად წარმოაჩინა თავი, რომ გრანდების ყურადღებაც მიიპყრო - პრესაში აქტიურად იწერება მის მიმართ მანჩესტერ იუნაიტედის ინტერესის შესახებ.
