მანჩესტერ იუნაიტედმა რუბენ ამორიმი გაათავისუფლა.
პორტუგალიელი სპეციალისტის 14-თვიანი სამწვრთნელო პერიოდის ბოლო მატჩი კვირას ლიდს იუნაიტედთან 1:1 დასრულებული შეხვედრა აღმოჩნდა, რის შემდეგაც გუნდი პრემიერ ლიგაში 20 ტურის შემდეგ მე-6 ადგილზეა.
40 წლის პორტუგალიელს გადაწყვეტილების შესახებ ეცნობა და ის თანამდებობას დაუყოვნებლივ დატოვებს, ურთიერთობების გაუარესების ფონზე 14 თვის შემდეგ.
მანჩესტერ იუნაიტედის დროებითი მთავარი მწვრთნელის პოსტს დარენ ფლეტჩერი დაიკავებს.
„იმ პირობებში, როდესაც მანჩესტერ იუნაიტედი პრემიერ ლიგაში მე-6 ადგილზე იმყოფება, კლუბის ხელმძღვანელობამ გარკვეული ყოყმანის მიუხედავად მიიღო გადაწყვეტილება, რომ ცვლილებების დრო დადგა.
ეს გუნდს მისცემს საუკეთესო შესაძლებლობას, მიაღწიოს პრემიერ ლიგაში მაქსიმალურად მაღალ პოზიციას.
კლუბი მადლობას უხდის რუბენს კლუბში შეტანილი წვლილისთვის და მომავალში წარმატებებს უსურვებს.“ - წერია კლუბის ოფიციალურ განცხადებაში.
