BREAKING: ნეიმარი ბრაზილიის ნაკრებს ვერ დაეხმარება

ნეიმარს 2023 წლის ოქტომბრის შემდეგ პირველად ნაკრებში დაბრუნება არ დასცალდა.

ფეხბურთელი, რომელიც იანვრის სატრანსფერო ფანჯრის დროს ალ ჰილალიდან სანტოსში დაბრუნდა, ბრაზილიის ნაკრებში წლინახევრიანი პაუზის შემდეგ გამოიძახეს.

თუმცა, ნეიმარმა სანტოსში სანაკრებო პაუზის წინ ტრავმა მიიღო და კლუბის ბოლო მატჩის გამოტოვებაც მოუწია.

ფეხბურთელმა ნაკრებში წასვლა მაინც გადაწყვიტა, თუმცა მისი დისკომფორტი საკმაოდ სერიოზული აღმოჩნდა და ტრავმის გამო ნაკრების განკარგულება დატოვა.

21 მარტს კოლუმბიას და 26 მარტს არგენტინას ბრაზილიის ნაკრები კვლავ გუნდის ლიდერის გარეშე დაუპირისპირდება.