ბუფონი: „დავრჩებით თუ არა მე და გატუზო იტალიის ნაკრებში?"

იტალიის ნაკრების დელეგაციის ხელმძღვანელმა, ჯანლუიჯი ბუფონმა, 2026 წლის მსოფლიო ჩემპიონატის საკვალიფიკაციო ეტაპის ფინალურ პლეი-ოფში ბოსნია-ჰერცეგოვინასთან მარცხის (პენალტების სერიაში 1:4) შემდეგ ისაუბრა.

იტალიის ფეხბურთის ფედერაციის პრეზიდენტმა, გაბრიელე გრავინამ, ჯენარო გატუზოსა და ბუფონს პოსტზე დარჩენა სთხოვა.

„ეს დელიკატური მომენტია. სიტუაციის შესაფასებლად დრო გვჭირდება. სეზონი ივნისში სრულდება, ამიტომ ფედერაციის, პრეზიდენტისა და ყველას წინაშე, ვინც გვენდობოდა, სწორი იქნება, თუ ამ დრომდე დავრჩებით.

თუ ჩვენს თამაშში პოზიტიურ ცვლილებებსა და გაუმჯობესებას ხედავთ, ძალიან მიხარია — ეს ერთ-ერთი მიზანი იყო. თუმცა, აშკარაა, რომ მთავარი მიზანი მსოფლიო ჩემპიონატზე მოხვედრა იყო. იქ ვერმოხვედრა მართლაც ძალიან მტკივნეულია. ახლა არსებობს რისკი, რომ გონების სიცხადე დავკარგოთ, ამიტომ აქ გავჩერდები. ივნისამდე აქ ვიქნებით, შემდეგ კი ვნახოთ, რა მოხდება.“ — აღნიშნა ლეგენდარულმა მეკარემ.

იტალიის ნაკრების მთავარი მწვრთნელის პოსტზე დანიშვნის დროს გატუზომ თქვა, რომ მუნდიალზე ვერ გასვლის შემთხვევაში, თანამდებობას აუცილებლად დატოვებდა.