ჩელსი ჟოაო პედროს ახალ კონტრაქტს უმზადებს.
24 წლის თავდამსხმელი გასულ ზაფხულს ბრაიტონიდან ჩელსიში 50 მილიონ ფუნტზე მეტი ღირებულების ტრანსფერით გადავიდა და შვიდწლიანი კონტრაქტი გააფორმა, რომელიც 2032 წლამდეა ძალაში.
თუმცა, წყაროების ცნობით, ბრაზილიელი ფეხბურთელი მალე გაუმჯობესებულ და გახანგრძლივებულ ხელშეკრულებას მიიღებს.
The Athletic-მა ჯერ კიდევ ივნისში დაწერა, რომ ჟოაო პედრო ბარსელონას ერთ-ერთი სასურველი ფეხბურთელია. ჩელსიმ სხვა კლუბების ინტერესის შესახებ იცის და თავდამსხმელი იმ მოთამაშეთა სიაში ჰყავს, რომელთა გაყიდვასაც მიმდინარე ზაფხულში არ განიხილავს.
ჟოაო პედრო არ არის ერთადერთი ფეხბურთელი, რომელსაც ჩელსი უახლოეს კვირებში ახალ კონტრაქტს შესთავაზებს.
ბრაზილიელმა პირველივე სეზონში ლონდონურ კლუბში 53 მატჩში 23 გოლი გაიტანა და 9 საგოლე გადაცემა შეასრულა, რითაც გუნდის მთავარი ცენტრფორვარდის სტატუსი მოიპოვა.
24 წლის თავდამსხმელს ბრაზილიის ნაკრებში 8 მატჩი აქვს ჩატარებული, თუმცა კარლო ანჩელოტიმ ის 2026 წლის მსოფლიო ჩემპიონატის განაცხადში არ შეიყვანა.
ჟოაო პედრომ 28 ივლისს, ვესტერნ სიდნი უორიორსთან გამართულ ამხანაგურ შეხვედრაში, რომელიც ჩელსიმ 6:4 მოიგო, 9 წუთში ჰეთ-თრიკი შეასრულა.
