ჩელსის კატასტროფული სერია - როსენიორის გუნდმა ბოლო 7 მატჩიდან 6 წააგო

2 სთ წინ · 0 წთ წასაკითხად

ფონტის ზომა

ლონდონის ჩელსი უმძიმეს კრიზისშია.

პრემიერ ლიგის 33-ე ტურში მანჩესტერ იუნაიტედთან შინ განცდილი მარცხი (0:1) გუნდისთვის ბოლო პერიოდში მეექვსე აღმოჩნდა.

ბოლო შვიდ შეხვედრაში „ლურჯებმა“ მხოლოდ ერთი გამარჯვება მოიპოვეს - ინგლისის თასის მეოთხედფინალში პორტ ვეილი გაანადგურეს (7:0). დანარჩენ 6 მატჩში კი გუნდმა კატასტროფული შედეგი აჩვენა: 6 მარცხი, ბურთების საერთო შეფარდებით - 2:16.

ჩელსის ბოლო 7 მატჩის შედეგები:

პსჟ (სტუმრად) - 2:5
ნიუკასლი (შინ) - 0:1
პსჟ (შინ) - 0:3
ევერტონი (სტუმრად) - 0:3
პორტ ვეილი (შინ) - 7:0
მანჩესტერ სიტი (შინ) - 0:3
მანჩესტერ იუნაიტედი (შინ) - 0:1.

კრიზისის დაძლევის მორიგი შანსი გუნდს მომდევნო შანსი 21 აპრილს ექნება, როდესაც პრემიერ ლიგის 34-ე ტურში ბრაიტონს დაუპირისპირდება.

ამ წარუმატებელი სერიის ფონზე ჩელსის 48 ქულა აქვს და გუნდი მე-6 ადგილს იკავებს, თუმცა ქვემოთ მყოფი ბრენტფორდი და ბორნმუთი ქულებით დაეწივნენ. ასე თუ გაგრძელდა, ლონდონელები მომდევნო სეზონში ჩემპიონთა ლიგაზე კი არა, ვერცერთ ევროტურნირზე ვერ ითამაშებენ.