"ჩემი კავშირი რეალთან სამუდამოა" - ანჩელოტის გამოსამშვიდობებელი წერილი

კარლო ანჩელოტი რეალის გულშემატკივრებს სპეციალური წერილით დაემშვიდობა.

"დღეს ისევ იყრება ჩვენი გზები. კიდევ ერთხელ, გულით ვატარებ რეალის მეორედ მწვრთნელობისას განცდილ ყველა ლამაზ მომენტს. დაუვიწყარი წლები იყო, საოცარი მოგზაურობა სავსე ემოციებით, ტიტულებით და რაც მთავარია, ღირსებით ამ კლუბში მუშაობისა.

მადლობა პრეზიდენტ ფლორენტინო პერესს, კლუბს, ჩემს მოთამაშეებს, სტაფსა და ყველაზე მეტად, უნიკალურ გულშემატკირებს, რომლებიც ყოველთვის მაგრძნობინებდნენ თავს ერთ-ერთ თავისიანად.

რასაც ერთად მივაღწიეთ, ყოველთვის დარჩება რეალის გულშემატკივრების მეხსიერებაში, არა მარტო ტრიუმფები, არამდე ის გზა, როგორც მივაღწიეთ მათ. ბერნაბეუს მაგიური ღამეები ახლა უკვე ფეხბურთის ისტორიის ნაწილია.

ახლა ახალი თავგადასავალი იწყება, მაგრამ ჩემი კავშირი რეალთან სამუდამოა. მალე შევხვდებით, რეალის გულშემატკივრებო. ჰალა მადრიდ და არაფერი სხვა." - წერს იტალიელი სპეციალისტი.

კარლო ანჩელოტი რეალს როგორც კლუბის ისტორიაში ყველაზე ტიტულოვანი მწვრთნელი (15 ტიტული) ტოვებს. იტალიელი ბრაზილიის ნაკრებს ჩაუდგება სათავეში.

ანჩელოტის თავკაცობით რეალი თავის ბოლო მატჩს ხვალ სანტიაგო ბერნაბეუზე ჩაატარებს, ბერნაბეუ ასევე ლუკა მოდრიჩსაც გააცილებს, რომელიც კლუბს საკლუბო მსოფლიო ჩემპიონატის შემდეგ დატოვებს.

გადაშენების პირას მყოფი მწვრთნელი - Arrivederci, Carlo!