აშშ-ის ნაკრების მთავარმა მწვრთნელმა, მაურისიო პოჩეტინომ, 2022 წლის გაზაფხულზე რეალთან პსჟ-ის მარცხი გაიხსენა და აღნიშნა, რომ ბერნაბეუზე გამართული მატჩი მისთვის „სიკვდილის განაჩენი“ აღმოჩნდა.
პოჩეტინოს თქმით, გუნდს მხოლოდ ცოტაოდენი იღბალი დააკლდა:
შინ 1:0 გვქონდა მოგებული და განმეორებით შეხვედრაშიც, 61-ე წუთამდე, სანამ ბენზემა დონარუმაზე დაჯარიმდებოდა, ვიგებდით. და თქვენ გინდათ თქვათ, რომ მწვრთნელმა არასწორი მიდგომა აირჩია? რომ მან არასწორად ითამაშა გუნდის წინააღმდეგ, რომელიც საბოლოოდ ჩემპიონი გახდა?
მადრიდში 1:0-ს ვიგებდით, მეორე გოლი კი მიზერული თამაშგარეს გამო გაუქმდა. მსაჯის შეცდომამდე გუნდი კარგად თამაშობდა. შემდეგ უკან დავიხიეთ და წავაგეთ.
საფინალო სასტვენისთანავე ვიცოდი, რომ ჩემი დრო პარიზში ამოიწურა. ვიცოდი, რომ მიზანი ჩემპიონთა ლიგის მოგება იყო და არა ლიგა 1-ის ან საფრანგეთის თასის. ამასთან, კლუბში რთული პოლიტიკური სიტუაცია იყო. გულშემატკივრები უკმაყოფილონი იყვნენ, აქციები ეწყობოდა... არ არსებობდა სათანადო სტაბილურობა ისეთი მნიშვნელოვანი მიზნის მისაღწევად, როგორიც ჩემპიონთა ლიგის გამარჯვებაა.
დანამდვილებით შეიძლება ითქვას: მადრიდში მარცხი ჩვენთვის სიკვდილის განაჩენი აღმოჩნდა. იმ დღეს გაჩნდა განცდა, რომ თავგადასავალი დასრულდა", — აღნიშნა პოჩეტინომ.
