ჩემპიონობა ზედიზედ მეათედ! - ქართველის ისტორიული მიღწევა

სარაევოში მიმდინარე ძიუდოს ვეტერანთა შორის მსოფლიო ჩემპიონატზე ქართველი ძიუდოისტების ტრიუმფი გრძელდება.

საქართველოს ვეტერანთა ნაკრებმა ტურნირის პირველ სამ დღეში წარმოუდგენელი შედეგი აჩვენა და საკუთარი უპირატესობა კიდევ ერთხელ დაამტკიცა.

ამ დროისთვის ქართველი სპორტსმენების ანგარიშზე უკვე 37 მედალი - 9 ოქროს, 12 ვერცხლისა და 16 ბრინჯაოს ჯილდოა.

განსაკუთრებული აღნიშვნის ღირსია ალექსი დავითაშვილის (+100 კგ, M5) ფენომენალური მიღწევა, რომელმაც მორიგი ოქროს მედალი მოიპოვა და ვეტერანებს შორის მსოფლიო ჩემპიონი ზედიზედ მეათედ გახდა.

მისი ეს უნიკალური შედეგი კიდევ ერთხელ უსვამს ხაზს ქართული ძიუდოს სკოლის ძალასა და თაობების წარმატებულ უწყვეტობას.