თორნიკე შენგელიას დუბაიმ ევროლიგის მოქმედ ჩემპიონთან, ბერძნულ ოლიმპიაკოსთან სტუმრად გამართულ შეხვედრაში უმძიმესი მარცხი იწვნია.
ქართველის გუნდი ფაქტობრივად უშანსოდ განადგურდა და მატჩი 29-ქულიანი სხვაობით, 72:101 დათმო.
სამწუხაროდ, თოკოს დიდი სათამაშო დრო არც ამჯერად მისცემია. პარკეტზე გატარებულ 13 წუთსა და 21 წამში მან 3 ქულა, 2 შედეგიანი გადაცემა და 1 მოხსნა მიითვალა. შენგელიამ 3-დან 1 ორქულიანი და 1 საჯარიმო ჩააგდო, 1 სამქულიანი კი ააცილა.
რაც შეეხება სტატისტიკას, სტუმართა რიგებში 10-ქულიანი ბარიერი მხოლოდ ორმა მოთამაშემ დაძლია, დუეინ ბეიკონმა (20 ქულა) და მფიონდუ კაბენგელემ (12 ქულა). ბერძნების მხრიდან კი პარკეტზე ევან ფურნიე ბრწყინავდა, რომელმაც 28 ქულა ჩააგდო და მატჩის საუკეთესო მოთამაშეც გახდა.
ამ ეტაპზე დუბაის აქტივში 7 გამარჯვება და 4 მარცხია, რითაც გუნდი სატურნირო ცხრილში მე-7 ადგილზე იმყოფება. შენგელიას კლუბს რეაბილიტაციის შანსი 15 ნოემბერს ექნება, როდესაც "პარტაკ სუბოტიცას დაუპირისპირდება.