ჩინელი სპორტსმენის დასაფასებელი საქციელი

პარიზის 2024 წლის ოლიმპიადაზე ბადმინტონში ქალთა ერთეულთა თანრიგში მედლები გათამაშდა. ოლიმპიური ჩემპიონი სამხრეთ კორეელი ან სე იანგი გახდა, ვერცხლის მედალი ჩინელმა ჰე ბინგ ჯიაომ დაიმსახურა, ბრინჯაოს მედალოსანი კი ინდონეზიელი გრეგორია მარისკა ტუნჯუნგია.

მედლების გადაცემის შემდეგ ჩინელმა სპორტსმენმა ყურადღება იმით მიიქცია, რომ ფოტოების გადაღებისას ესპანეთის გულსაბნევი ეჭირა ხელში. საქმე იმაშია, რომ 1/2 ფინალურ შეხვედრაში ესპანელმა კაროლინა მარინმა ტრავმის გამო მატჩის გაგრძელება ვეღარ შეძლო და სწორედ ასე გავიდა ფინალში ბინგ ჯიაო.

ვერცხლის მედლის აღების შემდეგ კი ჩინელმა მეტოქის პატივსაცემად ესპანური გულსაბნევი გამოაჩინა თავის მედალთან ერთად.