დაბრუნება სამეფო კლუბში? მოურინიომ რეალთან დაკავშირებით დუმილი დაარღვია

ჟოზე მოურინიო მადრიდის რეალში შესაძლო დაბრუნებას ეხმაურება და კარიერის საუკეთესო ადგილს ასახელებს.

ლეგენდარულმა პორტუგალიელმა მწვრთნელმა, ჟოზე მოურინიომ, პირდაპირ უპასუხა გავრცელებულ ხმებს მისი სანტიაგო ბერნაბეუზე შესაძლო დაბრუნების შესახებ. ამჟამად ბენფიკას თავკაცმა ასევე ისაუბრა თავის ემოციურ პერიოდზე რომაში და იტალიის დედაქალაქს თავისი ხანგრძლივი კარიერის გამორჩეული გარემო უწოდა.

პერესი მოურინიოს დაბრუნებას ცდილობს

ევროპის 15-გზის ჩემპიონებში ალვარო არბელოას მუშაობით უკმაყოფილოები არიან. გავრცელებული ინფორმაციით, ფლორენტინო პერესი თავად ცდილობს ძველი მწვრთნელის დაბრუნებას, რათა გუნდში სტაბილურობა აღადგინოს. მიუხედავად იმისა, რომ მოურინიოს კონტრაქტში გამოსასყიდი პუნქტი არსებობს, ლა ლიგაში დაბრუნების შესახებ საუბრისას თავშეკავება გამოიჩინა.

მოურინიოს პასუხი მადრიდზე:

„ჩემი შემდეგი მიზანი ბენფიკას ჩემპიონთა ლიგაზე დაბრუნებაა,“ – განაცხადა 63 წლის სპეციალისტმა Il Giornale-სთან ინტერვიუში, რითაც მიანიშნა, რომ ამ ეტაპზე ლისაბონში მუშაობითაა დაკავებული.

ეს განცხადება მოჰყვა გავრცელებულ ჭორებსა მოურინიოს დაბრუნების შესახებ და, ასევე, მადრიდის რეალის ყოფილი ვარსკვლავის, გუტის კრიტიკას, რომელმაც აღნიშნა, რომ მოურინიოს საუკეთესო წლები უკვე წარსულშია და პერესმა სხვა ტაქტიკური გადაწყვეტილება უნდა ეძებოს.

გუტი რეალს მოურინიოზე აფრთხილებს

რომა - მოურინიოს კარიერის „საუკეთესო ადგილი“

მიუხედავად იმისა, რომ ჟოზეს ტიტულები მოგებული აქვს ჩელსიში, ინტერსა და რეალში, მან მოულოდნელი აღიარება გააკეთა:

„ჩემთვის ეს იყო საუკეთესო ადგილი კარიერაში. არასდროს მიგრძვნია ასეთი წარმოუდგენელი გარემო საფეხბურთო გუნდის გარშემო. ოლიმპიკო ყოველთვის სავსე იყო. ჩემი რომა დასრულდა და არ მინდა ზედმეტი საუბარი, გარდა ერთისა, არავინ დაადანაშაულოს ფანები წარუმატებლობაში, ისინი გუნდს ყოველთვის მხარს უჭერენ.“

მოურინიომ რომას 2022 წელს კონფერენს ლიგა მოაგებინა, მომდევნო წელს კი ევროპა ლიგის ფინალში გაიყვანა.

ამჟამად მადრიდში ვითარება დაძაბულია. არბელოა იანვარში ჩაუდგა გუნდს სათავეში ხაბი ალონსოს წასვლის შემდეგ, თუმცა შედეგები არადამაკმაყოფილებელია. მოურინიოს გარდა, პერესის სიაში ლიონელ სკალონი, მაურისიო პოჩეტინო და სებასტიან ჰიონესიც ფიგურირებენ.

რატომ არის მოურინიოს რეალში დაბრუნება წაუგებელი ვარიანტი?