დამაჯერებლად მოიგო და პირველობაც გაინაღდა - ალკარასი შემაჯამებლის ნახევარფინალშია

ATP-ს შემაჯემებელი ტურნირის ჯგუფურ ეტაპზე კარლოს ალკარასმა მესამე შეხვედრაც მოიგო და ნახევარფინალში უდანაკარგოდ გავიდა.

დღევანდელ მატჩში ლორენცო მუსეტისთან გამარჯვების შემთხვევაში ალკარასი სეზონის პირველ პოზიციაზე დასრულებას ინაღდებდა და ამის გაკეთება არც გასჭირვებია.

ესპანელმა მეტოქე საათსა და 24 წუთში 6:4 6:1 დაამარცხა და ჯგუფიდან უდანაკარგოდ გავიდა, რის ხარჯზეც რეიტინგში იანიკ სინერისთვის მიუღწეველი გახდა და ამ ტურნირის შედეგის განურჩევლად, სეზონს პირველ პოზიციაზე დაასრულებს.

A ჯგუფის მეორე ნახევარფინალისტი კი ავსტრალიელი ალექს დე მინორი გახდა, რომელმაც ფრიცის და მუსეტის მსგავსად ჯგუფში მხოლოდ 1 გამარჯვება მოიპოვა, თუმცა სხვებს დამატებითი მაჩვენებლებით აჯობა.

B ჯგუფის ბედი კი უკვე დღეს, 14 ნოემბერს გაირკვევა, რომელშიც სინერი ბენ შელტონს დაუპირისპირდება, ფელიქს ოჟე-ალიასიმი კი ალექსანდრ ზვერევს. იტალიელს ნახევარფინალის საგზური განაღდებული აქვს, მეორე ნახევარფინალისტი კი ჯერ კიდევ გასარკვევია.