პიოტრ იანთან წაგებული მესამე ბრძოლის შემდეგ, მერაბ დვალიშვილმა UFC-ის პრეზიდენტს, დანა უაითს მარცხის გამო პირადად მოუხადა ბოდიში.
თუმცა, როგორც დრო აჩვენებს, ქართველ სპორტსმენს სანერვიულო და საბოდიშო ნამდვილად არაფერი აქვს - მან და რუსმა ჩემპიონმა ოქტაგონზე დაუვიწყარი ომი მოაწყვეს, რითაც შერეული ორთაბრძოლების ფანების უდიდესი მოწონება დაიმსახურეს.
UFC-ის ოფიციალურ პლატფორმაზე ჩატარებული ტრადიციული ყოველთვიური გამოკითხვის შედეგად, გულშემატკივრებმა ოქტომბრის საუკეთესო ბრძოლად სწორედ იანისა და დვალიშვილის ტრილოგია დაასახელეს. UFC 333-ის ეს თანამთავარი მოვლენა, სადაც რუსმა სუპერმსუბუქი წონის ქამარი დაიცვა, ურთულესი სცენარით წარიმართა. პირველი ორი რაუნდი მერაბის აშკარა დომინაციით წარიმართა, თუმცა დარჩენილ სამ რაუნდში პიოტრმა ზუსტი და მძიმე დარტყმებით ვითარება სათავისოდ შემოატრიალა და შეხვედრის ბედიც გადაწყვიტა
მიუხედავად იმისა, რომ ბრძოლის შემდეგ მერაბმა მეტოქის სიძლიერე ღიად აღიარა და იანს დამსახურებული გამარჯვება მიულოცა, სპორტულ სამყაროში განსხვავებული მოსაზრებებიც არსებობს.
