UFC-ის ყოფილი მებრძოლის, ხორხე მასვიდალის, შეფასებით, პიოტრ იანისა და მერაბ დვალიშვილის მესამე დაპირისპირებამ ორივე მებრძოლის ჯანმრთელობას დიდი ზიანი მიაყენა და შესაძლოა, მათ შემდგომ კარიერაზეც იმოქმედოს.
„ერთმანეთს ძალიან ბევრი წაართვეს. დარწმუნებული არ ვარ, რომ ამ ბრძოლის შემდეგ ისეთები დარჩებიან, როგორებიც მანამდე იყვნენ.
თუმცა მათ მეოთხე შეხვედრასაც სიამოვნებით ვუყურებდი. ერთმანეთს მცირე უპირატესობასაც არ უთმობდნენ. შთამბეჭდავი ბრძოლა ვიხილეთ“, - აღნიშნა მასვიდალმა.
მასვიდალმა განსაკუთრებით მესამე რაუნდში იანის მიერ სხეულში შესრულებული ფეხის დარტყმა გამოყო და დვალიშვილის გამძლეობა შეაქო.
„ეს დარტყმა მებრძოლების 80%-ს წააქცევდა. მერაბს ის არ დაუნახავს, მაგრამ წარმოუდგენლად გამძლეა“, - აღნიშნა მან.
იანმა დვალიშვილი მსაჯების ერთსულოვანი გადაწყვეტილებით დაამარცხა და სუპერმსუბუქი წონის საჩემპიონო ქამარი დაიცვა.
