ვახტანგ კანკიას მედალი მსოფლიო ჩემპიონატზე!

პორტუგალიაში მიმდინარე ტრიატლის, ბიატლისა და ლაზერული სირბილის მსოფლიო ჩემპიონატზე საქართველოს წარმომადგენელმა წარმატებით იასპარეზა.

17-წლამდელთა ასაკობრივ კატეგორიაში ბიატლის ინდივიდუალური შეჯიბრების ფინალში ვახტანგ კანკიამ მესამე ადგილი დაიკავა და ბრინჯაოს მედალი მოიპოვა.

ქართველმა სპორტსმენმა ბიატლის პროგრამით გათვალისწინებული სამივე რთული მონაკვეთი თანმიმდევრულად და ძალების სწორი გადანაწილებით დაფარა: მან 800 მეტრი ირბინა, რასაც ღია წყალში 200 მეტრზე ცურვა, ხოლო დასასრულს კიდევ 800 მეტრიანი სირბილი მოჰყვა.

ვახტანგ კანკიამ მთლიანი დისტანცია 8 წუთსა და 25,50 წამში დაასრულა, რამაც მას მსოფლიო პირველობის პოდიუმზე ასვლის საშუალება მისცა.