პირველი შედეგიანი მოქმედება იტალიაში - ლორთქიფანიძის საგოლე პასი

იტალიის სერია ბ-ს მეცხრე ტურში კრემონეზემ სტუმრად მანტოვა ანგარიშით 2:0 დაამარცხა, მოუგებელი სერია შეწყვიტა და მნიშვნელოვანი სამი ქულა მოიპოვა.

მატჩში ერთ-ერთი მთავარი გამორჩეული ქართველი ნახევარმცველი დაჩი ლორთქიფანიძე იყო, რომელმაც პროფესიულ კარიერაში პირველი შედეგიანი მოქმედება მიითვალა.

მიუხედავად იმისა, რომ 21 წლის ფეხბურთელს მიმდინარე სეზონში მცირე სათამაშო დრო ეძლევა, მატჩში 74-ე წუთზე ჩართულმა ლორთქიფანიძემ ზუსტი პასით მარკო ნასტიმ შეხვედრის საბოლოო ანგარიში დააფიქსირა.

შეხვედრის შემდეგ ქართველი ნახევარმცველი კრემონეზეს მთავარმა მწვრთნელმა, ფაბიო პეკიამ შეაქო და აღნიშნა, რომ მისმა ჩართვამ მთელ გუნდს შესანიშნავი მუხტი შესძინა:

ლორთქიფანიძემ მთელ გუნდს კარგი მუხტი შესძინა. ეს იმ მენტალიტეტის ნიშნებია, რომლის ჩამოყალიბებაც გვჭირდება, სწორედ ამას გულისხმობს ეს ლიგა.

ამ გამარჯვების შემდეგ კრემონეზე 9 ქულით ტურნირის ცხრილში მე-14 ადგილზეა, მომდევნო შეხვედრას კი 31 ოქტომბერს, შინ ბენევენტოს წინააღმდეგ გამართავს.