საქართველოში სტარტი რაგბის 20-წლამდელთა მსოფლიო ჩემპიონატმა აიღო.
პირველ სათამაშო დღეს თბილისსა (ავჭალის სტადიონი) და ქუთაისში (აია არენა) ჯამში 8 მატჩი გაიმართა:
არგენტინა 78-14 აშშ
იტალია 32-38 შოტლანდია
ინგლისი 34-27 ირლანდია
ახალი ზელანდია 38-21 იაპონია
საფრანგეთი 45-15 ფიჯი
უელსი 24-25 საქართველო
ავსტრალია 90-22 ესპანეთი
სამხრეთ აფრიკა 104-7 ურუგვაი
დასანანი მარცხი განიცადა საქართველოს ნაკრებმა, რომელმაც უელსთან მატჩი 1 ქულით დათმო.
გუნდებს შორის პირველი ტაიმი უელსელთა გამარჯვებით 15-12 დასრულდა, მეორე ტაიმში კი ბრიტანელებმა 25-17 გახადეს ანგარიში, თუმცა შეხვედრის ბოლოს ქართველებმა საჯარიმო ლელო დადეს და სხვაობა ერთ ქულამდე შეამცირეს.
უელსელები ბოლოს უკვე 13 კაცით იყვნენ და მატჩის მოგებაც შეეძლოთ, თუმცა ბოლო მიძალება კიდევ ერთ ლელოში ვერ გადაითარგმნა.
ქართველების მხრიდან ლელოებით თავი შიოშვილმა (დუბლი) და რაზმაძემ გამოიჩინას, ერთ შემთხვევაში კი გარდასახვა ზუსტად ხალვაშმა შეასრულა.
მეორე ტურში საქართველო ავჭალის სტადიონზე სამხრეთ აფრიკას დაუპირისპირდება. მატჩი 2 ივლისს გაიმართება.
პირველი ტურის შემდეგ ჩვენს ჯგუფში ასეთი სიტუაციაა:
1. სამხრეთ აფრიკა - 5 ქულა
2. უელსი - 4 ქულა
3. საქართველო - 2 ქულა
4. ურუგვაი - 0 ქულა
