დე ძერბის მარსელში მოთამაშეებთან სიტუაცია დაეძაბა - პროცესში ბენატია ჩაერია

ფრანგული L'Equipe-ის ინფორმაციით, მარსელში მთავარ მწვრთნელ რობერტ დე ძერბისა და მოთამაშეებს შორის სიტუაცია დაიძაბა.

ლიგა 1-ის გასულ ტურში რეიმსთან მარცხის შემდეგ, ორშაბათის ვარჯიშზე, დე ძერბიმ მოთამაშეებს უთხრა: "დღეს მე არ გავარჯიშებთ."

იტალიელის ამ მიმართვას კი მოთამაშეებმა უპასუხეს: "მაშინ ჩვენც არ ვივარჯიშებთ."

როგორც წყარო იუწყება, სიტუაციის დეესკალაციისთვის პროცესში სპორტული დირექტორი, მედჰი ბენატია ჩაერთო და მოთამაშეებს კლუბის მათში ჩადებული ფინანსური ინვესტიცია შეახსენა. 

ზოგიერთმა ფეხბურთელმა კი კითხვის ნიშნის ქვეშ დააყენა, მწვრთნელის მხრიდან ასეთი მიდგომა ბაიერნისა და იუვენტუსის მსგავს დიდ კლუბებში, სადაც ბენატიას უთამაშია, მიღებული იქნებოდა თუ არა.

ზოგადად, დე ძერბი თავისი ემოციური მენეჯერული მიდგომებით გამოირჩევა, რაც კარგ ფორმაში ყოფნის დროს ოჯახური ატმოსფეროთი, წაგებების დროს კი გარკვეული სასჯელებით გამოიხატება.

ლიგა 1-ში 27 ტურის შემდეგ მარსელი 49 ქულით მე-3 ადგილზეა და მეორეადგილოსან მონაკოს 1 ქულით ჩამორჩება.