DAZN-ს საფრანგეთის ლიგა 1-თან კონტრაქტის გაწყვეტა სურს

DAZN-ს საფრანგეთის ჩემპიონატის ტრანსლირების კონტრაქტის გაწყვეტა სურს.

RMC Sport-ის ინფორმაციით, თებერვალში სტრიმინგის სერვისმა ყოველთვიური გადასახადი საფრანგეთის პროფესიონალურ საფეხბურთო ლიგასთან კამათის გამო დააგვიანა.

კომპანიამ ლიგას 35 მილიონი ევრო დაუგვიანა (მოგვიანებით მაინც ჩაურიცხა), იმის გამო, რომ LFP არაფერს აკეთებს პირატულ ჩვენებასთან საბრძოლველად, ზოგ კლუბს კი კონტენტის შექმნაში არ სურს მონაწილეობის მიღება.

DAZN-ში აღელვებულები არიან იმით, რომ მხოლოდ 500 ათასი რეგისტრირებული მომხმარებელი ჰყავთ, მაშინ როდესაც ქვეყნის მოსახლეობა 68 მილიონს აღწევს. იმისთვის, რომ კომპანიამ წაგების გარეშე მუშაობა შეძლოს, დაახლოებით სამჯერ მეტი, 1.5 მილიონი რეგისტრაცია სჭირდება.

ლიგა და მისი მთავარი ტრანსლატორი მოლაპარაკებებს შუამავლის დახმარებით აწარმოებენ, თუმცა შესამჩნევი პროგრესი არ შეინიშნება.

ამის გამო, DAZN განიხილავს, რომ ლიგა 1-თან კონტრაქტი იმაზე ადრე გაწყვიტოს, ვიდრე ამის გაკეთება კონტრაქტით არის შესაძლებელი - 2025 წლის დეკემბერში.