დები უილიამსები US Open-ის წყვილთა ტურნირზე ითამაშებენ

სერენა და ვენუს უილიამსები 2026 წლის US Open-ის ქალთა წყვილთა ტურნირზე ერთად იასპარეზებენ.

მათ ორგანიზატორებისგან „უაილდ ქარდი“ მიიღეს. ამერიკელმა დებმა, რომლებმაც ნიუ-იორკში წყვილთა ტურნირი 1999 და 2009 წლებში მოიგეს, დიდი სლემის ტურნირზე ერთად ბოლოს 2022 წლის US Open-ზე ითამაშეს.

სერენასთვის ეს 2026 წლის US Open-ზე მეორე ტურნირი იქნება. მან კარლოს ალკარასთან ერთად შერეულ წყვილთა ჩემპიონატში ითამაშა და მეოთხედფინალამდე მიაღწია.

დებ უილიამსებს წყვილებში ერთად დიდი სლემის 14 ტიტული აქვთ მოგებული. US Open-ზე 1999 და 2009 წლებში მოპოვებული ორი ტიტულის გარდა, მათ უიმბლდონი 6-ჯერ მოიგეს (2000, 2002, 2008-09, 2012, 2016), Australian Open - 4-ჯერ (2001, 2003, 2009-10), ხოლო როლან გაროსი - 2-ჯერ (1999, 2010).

დებმა წყვილებში დიდი სლემის ბოლო ტიტული 2016 წელს, უიმბლდონზე მოიპოვეს. მას შემდეგ 2026 წლის US Open მათთვის დიდი სლემის ტურნირზე მხოლოდ მე-3 ერთობლივი გამოსვლა იქნება, მანამდე მათ 2018 წლის როლან გაროსსა და 2022 წლის US Open-ზე ითამაშეს.