საფრანგეთის ეროვნული ნაკრების მთავარი მწვრთნელი დიდიე დეშამი მსოფლიო ჩემპიონატზე დაბრუნდა.
დეშამი დედის გარდაცვალების გამო საფრანგეთში გაემგზავრა, რის გამოც მან გუნდის ბოლო ჯგუფური მატჩი გამოტოვა.
ნორვეგიის ნაკრებთან გამართულ შეხვედრაში, რომელიც საფრანგეთმა 4:1 მოიგო, გუნდს დროებით ასისტენტი გი სტეპანი ხელმძღვანელობდა.
ამ გამარჯვებით ფრანგებმა ჯგუფში პირველი ადგილი დაიკავეს.
საფრანგეთის ფეხბურთის ფედერაციამ სოციალურ ქსელში ოფიციალურად დაადასტურა მწვრთნელის დაბრუნება: „დიდიე ჩვენთანაა“.
2026 წლის მსოფლიო ჩემპიონატი დეშამისთვის ბოლო ტურნირი იქნება საფრანგეთის ნაკრების სათავეში, რომელსაც ის 2012 წლიდან უდგას.
