ფეხბურთი, როგორც ხალხის გამაერთიანებელი

ირანისა და ეგვიპტის მატჩი, რომელიც სიეტლში გაიმართა, საკმაოდ დაძაბული და საკამათო მოლოდინების ფონზე მიმდინარეობდა.

ფიფას პოზიცია ლგბტქ+ უფლებებზე - ირანისა და ეგვიპტის პროტესტი უარყვეს

ეს ორი ქვეყანა ლგბტქ+ თემთან მიმართებით საკმაოდ მკაცრი პოზიციით გამოირჩევა. მატჩი ადგილობრივი ორგანიზატორების მიერ პრაიდის თამაშად იყო გამოცხადებულ და ბევრს შიშობდა, რომ შეხვედრა პოლიტიკური დაპირისპირებისა და პროტესტის ნიადაგი გახდებოდა.

რეალობამ ყველა ეს მოლოდინი გააბათილა - მატჩმა ფეხბურთის გამაერთიანებელი ძალა აჩვენა.

გულშემატკივრები, მიუხედავად განსხვავებული შეხედულებებისა, ერთად ზეიმობდნენ, ტრიბუნებზე დაინახავდით როგორც პრაიდის სიმბოლიკას, ისე ირანისა და ეგვიპტის დროშებს.

თვითონ თამაში ტურნირის ერთ-ერთი ყველაზე ქაოსური და სანახაობრივი მატჩი აღმოჩნდა, რომელიც 1:1 დასრულდა. ირანელმა თავდამსხმელმა მეჰდი ტარემიმ აღნიშნა, რომ მიუხედავად მათი რელიგიური შეხედულებებისა, გუნდი პატივს სცემს ყველას და იქ მხოლოდ ფეხბურთის სათამაშოდ იმყოფებიან.