ჯანლუიჯი დონარუმამ პარი სენ-ჟერმენიდან წასვლაზე ისაუბრა.
„იმედგაცრუებული ვიყავი, რომ პსჟ-ში დარჩენა ვერ შევძელი, რადგან ადაპტაცია უკვე გავლილი მქონდა. ბოლო რამდენიმე თვემ იმედი გამიცრუა, ვერ ვხსნიდი რატომ, მაგრამ ეს სიტუაცია უნდა მიმეღო.
იმედგაცრუებული ვიყავი იმით, თუ როგორ მიუდგნენ სიტუაციას ისინი. სამწუხაროა, მაგრამ ცხოვრება გრძელდება.
მე ყოველთვის პსჟ-ის მადლობელი ვიქნები ყველაფრისთვის, რაც მომცა და რაც მეც მივეცი. ეს ფანტასტიკური იყო. მუდამ მადლობას გადავუხდი გულშემატკივრებს. ყოველთვის დავბრუნდები პარიზში, ჩემთვის ის მეორე სახლივით იყო და ჩემი ცხოვრების ასეთი მნიშვნელოვანი ნაწილი.
ბედნიერი ვარ იმით, რაც შევძელი და იმით, რაც ჩემმა თანაგუნდელებმა და გულშემატკივრებმა მომიტანეს. ყოველთვის მათი მადლიერი ვიქნები.“ - განაცხადა იტალიელმა.
