გიორგი ქოჩორაშვილის კომენტარი უკრაინასთან მარცხის (0:1) შემდეგ.
„რთული მომენტია ჩვენთვის, იმიტომ რომ ექვსი თამაში მოუგებლად, გოლიც არ გაგვიტანია, სტატისტიკა ყველამ კარგად იცის.
რაც შეეხება მენტალობას, ალბათ ამ მომენტში ყველაზე ადვილია ფარ-ხმლის დაყრა და საკუთარ თავზე მუშაობას გაჩერება, მაგრამ ყველას მინდა პოზიტივი გადავცე.
ვიცი, რომ გასახდელშიც რთული მომენტი იყო, მაგრამ ყველას მინდა გადავცე ის პოზიტივი, რომელსაც მე ვგრძნობ. ვგრძნობ დიდ ძალას. არ ვიცი რატომ, მაგრამ ვიცი, რომ მომავალში ბევრს მივაღწევთ, მაგრამ ამისთვის ბევრი შრომა დაგვჭირდება.
ახალი გუნდს, რომლის ჩამოყალიბებასაც ჩვენ ვცდილობთ, სჭირდება ბევრი ვარჯიში, დრო, მაგრამ დარწმუნებული ვარ, რომ იმ დიდ საქართველოს ნაკრებს ვიხილავთ, რომლის ნახვაც ყველას გვსურს.
მე ვფიქრობ, რომ ერთადერთი გზა ამისთვის არის ის, რომ ყველამ ჩვენს თავში ჩავიხედოთ, ვიპოვოთ ის პოზიტივი, რომელიც ცოტა გვაქვს და ბოლომდე დავიხარჯოთ რომ უკეთესები გავხდეთ.
წარსულით ვერასდროს ვერ იცხოვრებთ, ეს ყველამ კარგად ვიცით. რაც შეიძლება მალე უნდა დავივიწყოთ ძველი მიღწევები. წარმატებას მივაღწიეთ, გავედით ევროპის ჩემპიონატზე, მაგრამ მე ვფიქრობ რომ ყველას, პირველ რიგში მეც, ეს ყველაფერი გვერდზე უნდა გადავდგათ.
ის ფეხბურთელები, რომლებიც ნაკრებში მოდიან, მოვლენ, ვინც ვართ, ბევრი უნდა მოვთხოვოთ ჩვენს თავს და ვასახელოთ საქართველოს ნაკრები.
ყველას გვინდა, რომ საქართველოს ეროვნული ნაკრები იმ დონის იყოს, რომ მაღალი დონის გუნდებს მოუგოს.
ცუდი მაგალითია, მაგრამ გვაქვს იმის მაგალითებიც, როცა ბავშვი შეგეძინება და მეორე დღეს ნაკრებში მოდიხარ - როგორც გუგეშას შემთხვევაში, ისე ლოჩოსიც. ეს იმას ნიშნავს, რომ ყველას ძალიან გვინდა იმ დიდი სიხარულის შეგრძნება, რომელიც აქამდე შევიგრძენით.
რთული მომენტია, მაგრამ ზუსტად ვიცი, რომ ეს სიყვარული, რომელიც ჩვენ გაგვაჩნია, აუცილებლად მოიტანს შედეგს, რომელსაც კიდევ გავიმეორებ, რომ სჭირდება დრო და საკუთარ თავზე მუშაობა", - ციტირებს ლოჩოშვილის სიტყვებს Geo Team.