2028/29 წლების სეზონიდან უეფას ერთა ლიგა 3 დივიზიონისგან შედგება, ხოლო 2026/27 წლების სეზონისთვის დაწინაურებისა და დაქვეითების სისტემა შეიცვალა.
ცნობილია, რომელმა ნაკრებებმა მოიპოვეს მეოთხედფინალის საგზური, რომლები დაწინაურდნენ უფრო მაღალ დივიზიონში, ვის მოუწევს პლეი-ოფში მონაწილეობა და რომელი გუნდები დაქვეითდნენ.
A ლიგა
მეოთხედფინალში გავიდნენ: საფრანგეთი, ბელგია, გერმანია, ნიდერლანდები, ინგლისი, ესპანეთი, პორტუგალია და ნორვეგია.
A ლიგაში ადგილი შეინარჩუნეს: იტალიამ და საბერძნეთმა.
A/B ლიგების პლეი-ოფში ითამაშებენ: სერბეთი, ხორვატია, დანია და უელსი.
B ლიგაში დაქვეითდნენ: თურქეთი და ჩეხეთი.
B ლიგა
A ლიგაში დაწინაურდნენ: შვეიცარია, ჩრდილოეთ ირლანდია, ავსტრია და შვედეთი.
A/B ლიგების პლეი-ოფში ითამაშებენ: სლოვენია, უნგრეთი, ირლანდია და ბოსნია და ჰერცეგოვინა.
B ლიგაში ადგილი შეინარჩუნეს: შოტლანდიამ, უკრაინამ, კოსოვომ და პოლონეთმა.
B/C ლიგების პლეი-ოფში ითამაშებენ: ჩრდილოეთ მაკედონია, საქართველო, ისრაელი და რუმინეთი.
C ლიგა
B ლიგაში დაწინაურდნენ: ალბანეთი, მონტენეგრო, სლოვაკეთი და ისლანდია.
B/C ლიგების პლეი-ოფში ითამაშებენ: ბელარუსი, კვიპროსი, ფარერის კუნძულები და ესტონეთი.
C ლიგაში ადგილი შეინარჩუნეს: ფინეთმა, სომხეთმა, მოლდოვამ, ბულგარეთმა, სან-მარინომ, ლატვიამ, ყაზახეთმა და ლუქსემბურგმა.
D ლიგა
მალტა, ანდორა, გიბრალტარი, აზერბაიჯანი, ლიეტუვა და ლიხტენშტეინი C ლიგაში ითამაშებენ.
საქართველოს ნაკრებმა B ლიგის ჯგუფში მე-4 ადგილი დაიკავა და დივიზიონში ადგილის შესანარჩუნებლად პლეი-ოფში მოუწევს თამაში.
საქართველოს შესაძლო მეტოქეები C ლიგის მეორეადგილოსნები არიან: ბელარუსი, კვიპროსი, ფარერის კუნძულები და ესტონეთი.
კონკრეტული მეტოქე პლეი-ოფის წილისყრით განისაზღვრება, რომელიც 20 ნოემბერს გაიმართება.