ემილიანო მარტინესი: "კოლო მუანის მომენტის გამო სამი თვე უძილობა მაწუხებდა"

ემილიანო მარტინესმა 2022 წლის მსოფლიო ჩემპიონატის ფინალი გაიხსენა.

კერძოდ კი მატჩის ბოლო წუთებზე შესრულებული სეივი, როცა არგენტინელმა რანდალ კოლო მუანის ერთი ერთზე არ გაატანინა.

„ფინალის წინ მეგობრებთან ერთად Call of Duty-ს ვთამაშობდი - საუზმის დროიდან ტაქტიკური შეკრების დაწყებამდე.

კოლო მუანის დარტყმის სეივის შემდეგ, სამი თვე უძილობა მაწუხებდა. ყველა ამბობს, რომ ძალიან მაგარი იყო. კი, მაგრამ, გოლი რომ გასულიყო? ამის გამეორებას აღარ ვისურვებდი." - აღნიშნა ასტონ ვილას და არგენტინის ნაკრების მეკარემ.