ასტონ ვილამ პრემიერ ლიგის ამ სეზონში ვილა პარკზე ბოლო საშინაო მატჩი გამართა და მნიშვნელოვან შეხვედრაში ტოტენჰემი 2-0 დაამარცხა.
თამაშის შემდეგ ბირმინგემელთა მეკარე, ემილიანო მარტინესი ემოციური იყო და შთაბეჭდილება დარჩა, რომ ის ასტონ ვილას გულშემატკივრებს დაემშვიდობა.
იტალიელი სპორტული ჟურნალისტის, ფაბრიციო რომანოს ცნობით, არგენტინელმა ბოლო კვირებში საუდის პრო ლიგის კლუბებისგან მიიღო შემოთავაზება.
იწერება, რომ 32 წლის კიპერს ევროპული კლუბებიც იწვევენ და დიდი ალბათობით, მან ვილა პარკზე მართლაც ჩაატარა თავისი ბოლო მატჩი.
მარტინესი არსენალიდან უამრავი განათხოვრების შემდეგ ასტონ ვილას 2020 წელს სრულფასოვნად შეუერთდა და მომდევნო წელს ეროვნულ ნაკრებშიც მოხვდა, რომელთან ერთადაც კატარში მსოფლიო ჩემპიონიც გახდა.
