ემპოლის მწვრთნელი: "კვარას გაჩერება? გოგლიჩიძეს ვუთხარი, რომ ეს ნაკრებში გააკეთოს"

ემპოლის მთავარ მწვრთნელ რობერტო დავერსას ლაციოსცთან მარცხის შემდეგ მომავალ მეტოქეზე ჰკითხეს, რაზეც მან ხუმრობით უპასუხა.

"გოგლიჩიძეს ვუთხარი, რომ ეროვნულ გუნდში კვარაცხელიას ურტყას, რომ მას სანაკრებო შესვენების შემდეგ არ შევხვდეთ. ეს მარცხი არაფერს ცვლის. ჩვენ პაუზაზე დაუმარცხებლად გასვლა გვსურდა, მაგრამ ამაზე შესვენების შემდეგ ვიფიქრებთ." - განაცხადა ემპოლის თავკაცმა.

სერია ა-ს მე-7 ტურში ემპოლიმ ლაციოსთან სეზონის პირველი მარცხი განიცადა ჩემპიონატში და 10 ქულით მე-10 ადგილზეა. 

სანაკრებო შესვენების შემდეგ იტალიაში ქართულ დაპირისპირებას ვიხილავთ. 20 ოქტომბერს გოგლიჩიძის ემპოლი კვარაცხელიას ნაპოლის მიიღებს.