მარკ-ანდრე ტერ შტეგენმა, რომელსაც ბარძაყის უკანა კუნთის სერიოზული დაზიანების გამო პარასკევს ოპერაცია უნდა ჩაუტარდეს, სოციალურ ქსელში გულშემატკივრებს მიმართა.
გერმანელმა მეკარემ აღიარა, რომ ეს ტრავმა მისთვის ფსიქოლოგიურად ძალიან მძიმე აღმოჩნდა.
„მე პოზიტიური ადამიანი ვარ და ყველა სირთულეს ყოველთვის ასეთი განწყობით ვხვდებოდი, მაგრამ ახლანდელი მდგომარეობა ჩემთვის განსაკუთრებით რთულია. გასულ უქმეებზე ყველაზე ცუდი რამ მოხდა: მატჩის დროს ტრავმა მივიღე. ახლახან გადმოვედი ჟირონაში, სადაც პირველივე წუთიდან ძალიან თბილად დამხვდნენ. მოუთმენლად ველოდი შესაძლებლობას, რომ გუნდის ნაწილი გავმხდარიყავი და საერთო მიზნების მიღწევაში დავხმარებოდი.
ახლა ჩემი როლი სრულად შეიცვალა, მაგრამ ჩემი მხარდაჭერა გუნდის მიმართ უცვლელი დარჩება. ჟირონა უბრალოდ მოთამაშეების ჯგუფი კი არა, ერთი ოჯახია. სპორტსმენისთვის ყველაზე დიდი სიხარული ვარჯიში და თამაშია. ახლა ამ ყველაფრის რამდენიმე თვით დაპაუზება მომიწევს, რადგან ოპერაციის გაკეთება გადავწყვიტე. მე აუცილებლად დავბრუნდები“, — დაწერა ტერ შტეგენმა.
შეგახსენებთ, რომ 33 წლის მეკარე ჟირონაში ბარსელონადან იჯარით იმყოფება. მისი რეაბილიტაციის ზუსტი ვადები ოპერაციის შემდეგ გახდება ცნობილი.
იწერებოდა, რომ ამ ტრავმის გამო ჟირონამ შესაძლოა იჯარა გაწყვიტოს და ტერ შტეგენი ბარსელონაში დააბრუნოს, თუმცა ჯერჯერობით მსგავსი არაფერი მომხდარა.
