მერაბ დვალიშვილი ცდილობს დაამტკიცოს, რომ წინა ბრძოლაში განცდილი მარცხი მხოლოდ გამონაკლისი იყო. - წერს ESPN UFC 333-ის წინ.
,,2025 წლის ბოლოს მერაბ დვალიშვილმა UFC-ის ისტორიაში შესვლა სცადა, როდესაც პიოტრ იანს კალენდარული წლის განმავლობაში სუპერმსუბუქი წონის საჩემპიონო ქამრის მეოთხედ დასაცავად დაუპირისპირდა.
მსგავსი რამ მანამდე არავის გაუკეთებია და არც კი უცდია. საბოლოოდ, ეს გამოწვევა ქართველი მებრძოლისთვის ზედმეტად რთული აღმოჩნდა, დვალიშვილმა 5-რაუნდიანი ბრძოლა მსაჯების გადაწყვეტილებით წააგო.
მოგვიანებით მერაბმა გაამხილა, რომ ბრძოლას მუხლის სერიოზული ტრავმით შეხვდა და მოსამზადებელი პერიოდიც ძალიან ცუდად ჩაატარა.
დვალიშვილი (21-5) პიოტრ იანის (20-5) წინააღმდეგ საჩემპიონო ქამრის დაბრუნებას UFC 333-ის მთავარ ბრძოლამდე გასამართ დაპირისპირებაში შეეცდება.
მიუხედავად იმისა, რომ მერაბმა წინა შეხვედრის წინ არსებული რთული გარემოებების შესახებ ღიად ისაუბრა, მან ისიც აღნიშნა, რომ UFC-ის ისტორიაში შესვლის მცდელობას არ ნანობს და ამ გარემოებების წაგების გასამართლებლად გამოყენებას არ აპირებს.
ქართველმა მებრძოლმა იანის გამარჯვებაც აღიარა და მეტოქეს დამსახურებული წარმატება მიულოცა.
თუმცა აშკარაა, რომ მებრძოლების ურთიერთდაპირისპირების ისტორიამ შაბათის ბრძოლას განსაკუთრებული მნიშვნელობა შესძინა.
დვალიშვილი და იანი ერთმანეთს ორჯერ შეხვდნენ. პირველი დაპირისპირება, რომელიც 2023 წლის მარტში გაიმართა, ქართველის სრული უპირატესობით დასრულდა.
თუ იანი ტრილოგიის მესამე ბრძოლაშიც გაიმარჯვებს, თანაც გაცილებით უკეთ დასვენებული და მომზადებული დვალიშვილის წინააღმდეგ, ვიდრე 2025 წლის დეკემბერში შეხვდა, შესაძლოა, მერაბს საჩემპიონო ბრძოლისთვის კიდევ ერთი შანსის მიღებამდე დიდი გზის გავლა მოუწიოს."
UFC 333-ის მთავარი ქარდი 22:00 საათზე დაიწყება.
ორი საჩემპიონო ბრძოლა - ყველაფერი UFC 333-ის შესახებ
