ესპანეთის ნაკრებში პელეს ბრაზილიის დროის მიღწევა განმეორდა

ფურია როხამ ახალგაზრდობის მრავალწლიანი რეკორდი გაიმეორა.

ესპანეთის ნაკრები ბოლო 68 წლის განმავლობაში გახდა პირველი გუნდი, რომლის შემადგენლობაშიც მსოფლიო ჩემპიონატის პლეი-ოფის მატჩში სასტარტო თერთმეტეულში ორმა თინეიჯერმა ითამაშა.

ავსტრიის ნაკრების წინააღმდეგ 1/16-ფინალურ შეხვედრაში ესპანელთა სასტარტო შემადგენლობაში პირველივე წუთებიდან გამოვიდნენ 18 წლის ვინგერი ლამინ იამალი და 19 წლის მცველი პაუ კუბარსი.

მუნდიალის პლეი-ოფის სტადიაზე ერთ გუნდში ორ 20 წლამდე ასაკის ფეხბურთელს სასტარტო შემადგენლობაში 1958 წლის შემდეგ არ უთამაშია - მაშინ ბრაზილიის ნაკრების ძირითადში უელსის წინააღმდეგ მოედანზე პელე და ჟოზე ალტაფინი გავიდნენ.