ევროპარლამენტი ფიფას პრეზიდენტის დასჯას ითხოვს

ფიფას პრეზიდენტი ჯანი ინფანტინო უდიდესი პოლიტიკური სკანდალის ცენტრში აღმოჩნდა.

ევროპარლამენტის 72-მა წევრმა ოფიციალურად მოითხოვა გამოძიების დაწყება იმ გადაწყვეტილების გამო, რომლითაც ამერიკის შეერთებული შტატების ნაკრების თავდამსხმელ ფოლარინ ბალოგუნს მსოფლიო ჩემპიონატზე წითელი ბარათის გამო დაკისრებული ავტომატური დისკვალიფიკაცია თეთრი სახლის ჩარევის შემდეგ გაუუქმდა.

ევროპელი დეპუტატები ფეხბურთის ასოციაციებს მოუწოდებენ, სასწრაფოდ ჩაერიონ საქმეში, რადგან გაირკვა, რომ აშშ-ის პრეზიდენტი დონალდ ტრამპი პირადად დაუკავშირდა ინფანტინოს ფეხბურთელის დასაცავად. პარლამენტარების განცხადებით, ამ ნაბიჯით უხეშად დაირღვა ფიფას წესდების მე-4 მუხლი და ეთიკის კოდექსი, რომლებიც ორგანიზაციისგან აბსოლუტურ პოლიტიკურ ნეიტრალიტეტს მოითხოვს.

მიუხედავად იმისა, რომ აშშ ბელგიასთან მაინც 1:4 განადგურდა და გამოვარდა, უეფამ ფიფას გადაწყვეტილებას „გაუგონარი, გაუგებარი და გაუმართლებელი“ უწოდა.

თავად ინფანტინო ბრალდებებს უარყოფს და აცხადებს, რომ ტრამპთან საუბრისას მხოლოდ არსებული იურიდიული პროტოკოლი განმარტა, ფიფას სამართლებრივი ორგანოები კი სრულიად დამოუკიდებლად მოქმედებენ.