2026 წლის მსოფლიო ჩემპიონატის ფინალი ისტორიული მუსიკალური სანახაობა გახდება.
კანადელი სუპერვარსკვლავი ჯასტინ ბიბერი ოფიციალურად დაემატა იმ შემსრულებელთა სიას, რომლებიც მუნდიალის ისტორიაში პირველ სატაიმო შოუზე (Halftime Show) გამოვლენ. ბიბერი სცენას მადონასთან, შაკირასთან და კეი-პოპის ლეგენდა BTS-თან ერთად გაიყოფს.
გრანდიოზული ღონისძიება 19 ივლისს, ნიუ-იორკის სტადიონზე გაიმართება. შოუს ორგანიზატორი კოლდპლეის სოლისტი კრის მარტინია, ფიფასა და ორგანიზაცია Global Citizen-ის პარტნიორობით კი პროექტი საქველმოქმედო ხასიათს ატარებს. მისი მიზანი 100 მილიონი დოლარის შეგროვებაა, რომელიც ბავშვთა განათლებასა და ფეხბურთის განვითარებას მოხმარდება.
მთავარი ვარსკვლავების გარდა, სცენაზე ნიგერიელი ბერნა ბოი, გუსტავო დუდამელი და ცნობილი თოჯინები, მაპეტებიც გამოჩნდებიან. Global Citizen-ის ხელმძღვანელმა ჰიუ ევანსმა აღნიშნა, რომ ეს იქნება ყველაზე მასშტაბური მუსიკალური გაერთიანება ლეგენდარული Live Aid-ის შემდეგ და ისტორიაში ყველაზე ნახვადი 11 მუსიკალური წუთი.
ფიფას პრეზიდენტმა ჯანი ინფანტინომ კი დასძინა, რომ მსოფლიოსთვის განათლებაზე მნიშვნელოვანი არაფერია და ეს შოუ ახალ სტანდარტს დაამკვიდრებს.
