არსენალი ნოტინგემ ფორესტის 26 წლის შემტევის, მორგან გიბს-უაიტის გაფორმებას გეგმავს, თუმცა მას პსჟ-ც აკვირდება. პარიზული კლუბი ინგლისელს მორგან როჯერსის ალტერნატივად განიხილავს.
მადრიდის რეალის ახალ მწვრთნელს, ჟოზე მოურინიოს ბერნარდუ სილვას დამატება სურს. 31 წლის პორტუგალიელმა ნახევარმცველმა მანჩესტერ სიტი თავისუფალი აგენტის სტატუსით დატოვა.
იურგენ კლოპის აგენტის განცხადებით, გერმანელი სპეციალისტი საკლუბო ფეხბურთში მწვრთნელად დაბრუნებას არ აპირებს. ეს განცხადება რეალის კიდევ ერთი საპრეზიდენტო კანდიდატის, ენრიკე რიკელმეს გეგმებს პასუხობს.
ტოტენჰემი კვლავ ინტერესდება სავინიოთი. 22 წლის ბრაზილიელი ვინგერი ტრანსფერს თავადაც უჭერს მხარს, მას შემდეგ რაც მანჩესტერ სიტიმ გასულ ზაფხულს ლონდონელთა წინადადება უარყო.
ფედერიკო კიეზა ლივერპულის ახალ მწვრთნელთან, ანდონი ირაოლასთან შეხვედრას გეგმავს. 28 წლის იტალიელი სათამაშო დროის სიმცირის გამო მომავალზე კლუბთან დალაპარაკების შემდეგ გადაწყვეტს.
ლივერპული 17 წლის ინგლისელი ვინგერის, რიო ნგუმოჰას გაყიდვას არ აპირებს, მიუხედავად იმისა, რომ ფეხბურთელით ბაიერნი ინტერესდება.
ასტონ ვილა ნიუკასლის 28 წლის ინგლისელი ვინგერის, ჰარვი ბარნსის ტრანსფერზე მუშაობს, ხოლო ნიუკასლის 34 წლის მეკარის, ნიკ პოპის ხელში ჩასაგდებად ლიდსი და იფსვიჩი იბრძვიან.
