სიტი გვარდიოლის ტრანსფერს ბლოკავს

ბაიერნის ინტერესის მიუხედავად, მანჩესტერ სიტი გვარდიოლის შენარჩუნებაში დარწმუნებულია.

მანჩესტერ სიტიში კვლავ არსებობს რწმენა, რომ იოშკო გვარდიოლი კლუბთან ახალ კონტრაქტს გააფორმებს, მიუხედავად იმისა, რომ მხარეებს შორის დამატებითი მოლაპარაკებებია საჭირო. ხორვატი მცველის მომავალი ზაფხულის ერთ-ერთი მთავარი თემა გახდა, მას შემდეგ რაც გავრცელდა ინფორმაცია, რომ პეპ გვარდიოლას წასვლის გამო მას გუნდის შეცვლა სურს.

24 წლის ფეხბურთელით ბარსელონა, ბაიერნი და რეალი ინტერესდებიან, თუმცა, სიტი პოზიციას არ თმობს და იძულებითი გაყიდვის შემთხვევაში მცველს მინიმუმ 90 მილიონად აფასებს.

პორტულმა დირექტორმა, უგო ვიანამ ფეხბურთელს უკვე მოუმზადა ფინანსურად გაუმჯობესებული, გრძელვადიანი კონტრაქტი, რადგან ახალი მწვრთნელი ენცო მარესკა მას მომავალი სეზონის გეგმების საკვანძო ფიგურად მიიჩნევს.

გვარდიოლმა აღნიშნა, რომ კლუბში ბედნიერია, თუმცა საბოლოო გადაწყვეტილებას მსოფლიო ჩემპიონატის დასრულების შემდეგ მიიღებს. ტურნირის მერე მარესკა და ვიანა ფეხბურთელთან პირისპირ შეხვედრას გეგმავენ, რაც მის მომავალს საბოლოოდ გადაწყვეტს.

ინგლისური კლუბი მოლაპარაკებებს მყარი პოზიციიდან იწყებს, ვინაიდან ხორვატს მოქმედი კონტრაქტი სიტისთან კიდევ 2 წლით აკავშირებს.