კიეზა იუვენტუსზე: „ჩემზე რომ ყოფილიყო, არასდროს წავიდოდი“

ფედერიკო კიეზამ La Gazzetta dello Sport-თან ინტერვიუში ლივერპულში გატარებულ პერიოდზე, იუვენტუსიდან წამოსვლასა და იტალიაში შესაძლო დაბრუნებაზე ისაუბრა. გასულ სეზონში შემტევმა პრემიერ ლიგაში მხოლოდ 318 წუთი ითამაშა და ორი გოლი გაიტანა.

ლივერპული:

კარგად დავიწყე, მაგრამ 2026 წლის დასაწყისიდან ძალიან ცოტას ვთამაშობდი. იანვარში სლოტმა მითხრა, რომ საკადრო დეფიციტის გამო გუნდს ვჭირდებოდი და ვერ წავიდოდი. კლუბთან კარგი ურთიერთობა მაქვს, თუმცა სეზონი სხვანაირად დასრულდა.

იუვენტუსი:

ბიანკონერიში დაბრუნება მინდა, მე ნებით არასდროს წავიდოდი. ამბობდნენ, თითქოს ბევრ ფულს ვითხოვდი, მაგრამ სიმართლე ისაა, რომ კონტრაქტის განახლება არც კი შემოუთავაზებიათ. ჯუნტოლიმ და ტიაგო მოტამ პირდაპირ მითხრეს, რომ მათ გეგმებში არ შევდიოდი.

ჯონსი და ინტერი:

კურტის ჯონსმა იტალიაში ცხოვრებაზე მკითხა და ვუთხარი, რომ შესანიშნავი გარემოა. ის ტექნიკურად ძალიან ძლიერია და მილანის ინტერი მისით სამართლიანად ინტერესდება.

მომავალი:

მთავარია ვითამაშო. ახალ მწვრთნელს, ანდონი ირაოლას დაველაპარაკები და ვნახავთ. ფაბრეგასის კომო? მათ ძალიან ლამაზი გუნდი ჩამოაყალიბეს.