ლივერპულის იტალიელი ფორვარდი, ფედერიკო კიეზა მომავალთან დაკავშირებით გავრცელებულ სპეკულაციებს გამოეხმაურა და აღნიშნა, რომ მიუხედავად წარსული სირთულეებისა, ამჟამად მხოლოდ ლივერპულზეა ფოკუსირებული.
არნე სლოტის ხელმძღვანელობით გასულ ორ სეზონში კლუბში სათამაშო პრაქტიკის ნაკლებობის გამო (მხოლოდ ერთი პრემიერლიგური მატჩი სასტარტოში და 5 გოლი 50 შეხვედრაში), ივნისში იტალიელმა განაცხადა, რომ სტაბილურობისთვის სხვა გზის ძებნა მოუწევდა.
თუმცა, ირაოლას ერაში პირველ ამხანაგურ მატჩში სანდერლენდის წინააღმდეგ (4-2) გოლის გატანის შემდეგ, კიეზამ ჟურნალისტებთან საუბრისას აღნიშნა:
ამჟამად თავს ბედნიერად ვგრძნობ ლივერპულში. მიყვარს ეს კლუბი, გულშემატკივრები, ყველაფერი. ყველაფერს ვაკეთებ იმისათვის, რომ აქ შანსი მივიღო, დანარჩენს კი დრო გვაჩვენებს. ახლა მხოლოდ ლივერპულზე ვფიქრობ.
იტალიელმა ფეხბურთელმა ასევე შეაფასა ანდონი ირაოლას მოსვლა და გუნდში დაწყებული ახალი ეტაპი:
ყოველწლიურად რაღაც ახალი იწყება. შესაძლოა, ზედმეტად ბევრი ახალი დასაწყისიც კი იყო, მაგრამ არ ვნერვიულობ, ახალი მენეჯერის ხელმძღვანელობით საუკეთესოს გაკეთებას ვცდილობ.
გასულ სეზონში სლოტის პერიოდშიც იგივეს ვცდილობდი. მინდოდა მეტი მეჩვენებინა, თუმცა მწვრთნელის გადაწყვეტილებაა, ვინ ითამაშებს. ახლა ახალი თავი იწყება და ახალ მწვრთნელზე უნდა ვფოკუსირდე.
