ფიფას სადისციპლინო კომიტეტმა სამხრეთ აფრიკის საფეხბურთო ასოციაცია (SAFA) იმის გამო დააჯარიმა, რომ 2025 წლის 21 მარტს გამართულ სამხრეთ აფრიკა - ლესოთოს მატჩში, რომელიც 2026 წლის მსოფლიო ჩემპიონატის საკვალიფიკაციო ეტაპის ეგიდით ჩატარდა, მიუღებელი ფეხბურთელი, თებოჰო მოკოენა, გამოიყვანა.
"აღნიშნული ფიფას სადისციპლინო კოდექსის (FDC) მე-19 მუხლს და მსოფლიო ჩემპიონატის 2026 წინასწარი ეტაპის რეგლამენტის მე-14 მუხლს არღვევს." - წერია ფიფას განცხადებაში.
შესაბამისად, ფიფას სადისციპლინო კომიტეტმა დაადგინა, რომ აღნიშნული მატჩი სამხრეთ აფრიკის ნაკრებს წაგებულად, ანგარიშით 3:0 ჩაეთვალა.
ასევე, SAFA-ს 10,000 შვეიცარიული ფრანკის ოდენობის ჯარიმის გადახდა დაეკისრა ფიფასთვის, ხოლო თებოჰო მოკოენას გაფრთხილება მიეცა.
შედეგად სამხრეთ აფრიკას ცხრილში 3 ქულა დააკლდა და ბენინს გაუთანაბრდა, პირველ ადგილზე კი ახლა ეს უკანასკნელია.
