მაროკოს ნაკრები მწვრთნელის გარეშე რჩება — ვალიდ რეგრაგი წასვლას ცდილობს

მაროკოს ნაკრების მთავარმა მწვრთნელმა, ვალიდ რეგრაგიმ, თანამდებობის დატოვების გადაწყვეტილება მიიღო.

Foot Mercato-ს ინფორმაციით, სპეციალისტმა გადადგომის შესახებ განცხადება მაროკოს ფეხბურთის ფედერაციაში (FRMF) უკვე წარადგინა.

მიზეზი აფრიკის თასის ფინალში სენეგალთან მარცხია (0:1 დამატებით დროში). რეგრაგი მიიჩნევდა, რომ მისი მომავალი უშუალოდ ამ ტურნირის შედეგზე იყო დამოკიდებული. მიუხედავად იმისა, რომ მსოფლიო ჩემპიონატამდე 6 თვეზე ნაკლებია დარჩენილი, მას მუშაობის გაგრძელება აღარ სურს.

ფედერაციას ოფიციალური გადაწყვეტილება ჯერ არ მიუღია. თუ გადადგომა დადასტურდება, მაროკოელებს ახალი მწვრთნელის ძებნა სასწრაფო რეჟიმში მოუწევთ.

საბოლოო გადაწყვეტილება უახლოეს პერიოდშია მოსალოდნელი.