ნიკა ამაშუკელი ოლ ბლექსის ისტორიულ ტურნეზე იმსაჯებს

30-წლიანი შესვენების შემდეგ, ახალი ზელანდიის ნაკრები სამხრეთ აფრიკაში ისტორიულ ტურნეზე მიემგზავრება.

2026 წლის აგვისტოსა და სექტემბერში, ოლ ბლექსი The Greatest Rivalry Tour-ის ფარგლებში, სამხრეთ აფრიკაში 8 მატჩს გამართავს.

მსოფლიო რაგბმა 8 თამაშისთვის 4 მსაჯი შეარჩია და მათგან ერთ-ერთი 31 წლის ნიკა ამაშუკელია, რომელიც 5 შეხვედრას მოემსახურება.

ნიკა ამაშუკელი ტურნეში 15 აგვისტოდან ჩაერთვება და ახალი ზელანდიისა და ბულსის მატჩში მოედნის მსაჯი იქნება.

22 აგვისტოს, სამხრეთ აფრიკა - ახალი ზელანდიის შეხვედრაში, ასევე, 25 აგვისტოს, ლაიონსთან, მას კიდეზე ვიხილავთ.

29 აგვისტოს, სპრინგბოქსისა და ოლ ბლექსის მეორე ტესტ-მატჩში კვლავ მოედნის მსაჯად მოგვევლინება, აფრიკულ ვოიაჟს კი მე-3 ტესტ-მატჩში, 5 სექტემბერს კიდის მსაჯად დაასრულებს. - აღნიშნულ ინფორმაციას საქართველოს რაგბის კავშირი ავრცელებს.