ფიფას პრეზიდენტმა, ჯანი ინფანტინომ იმედი გამოთქვა, რომ რუსეთს საერთაშორისო საფეხბურთო ასპარეზზე მალე დააბრუნებს.
„ყოველთვის ვცდილობთ სპორტი და კერძოდ ფეხბურთი გამოვიყენოთ ხალხის და ქვეყნების გასაერთიანებლად. ამჟამინდელ გაყოფილ სამყაროში ყველა შესაძლებლობა უნდა გამოიყენო საიმისოდ, რომ ხალხს გაერთიანებაში დაეხმარო. სპორტს და ფეხბურთს შეუძლიათ ამის მამოძრავებელი ძალაგ ახდნენ.
ახლა საუბარი მიდის უკრაინაში არსებულ სიტუაციაზე. იმედი მაქვს, მალე გადავფურცლავთ ამ გვერდს და რუსეთს ფეხბურთის ტერიტორიაზე დავაბრუნებთ, იმიტომ რომ ეს იმის მანიშნებელი იქნება, რომ ყველაფერი გადაწყდა." - აღნიშნა ინფანტინომ უეფას კონგრესზე სიტყვით გამოსვლისას.
2022 წლის თებერვალში, უკრაინაში ომის დაწყების შემდეგ, ფიფამ და უეფამ რუსეთის ნაკრები და რუსული კლუბები თავიანთი ასპარეზიდან გაურკვეველი ვადით მოკვეთეს.
