ვანკუვერ უაიტკეპსი ადგილობრივ ინვესტორებს დახმარებას სთხოვს, რათა გუნდმა ქალაქი არ დატოვოს და ლას-ვეგასში არ გადაბარგდეს.
The Athletic-ის ცნობით, MLS-ის მფლობელთა კომიტეტმა უკვე განიხილა კლუბის მომავალი და მთავარ ვარიანტად მისი ლას-ვეგასში გადაყვანა დაასახელა. ვანკუვერში სტადიონთან დაკავშირებული ეკონომიკური პრობლემები და დაბალი შემოსავლები მყიდველების მოზიდვას ართულებს. კლუბმა ბოლო 16 თვის განმავლობაში 100-ზე მეტ მხარესთან გამართა მოლაპარაკება, თუმცა უშედეგოდ.
გუნდის ხელმძღვანელობა და ვარსკვლავური მოთამაშე, თომას მიულერი, ქალაქიდან წასვლის წინააღმდეგნი არიან:
„ამ მფლობელთა ჯგუფის მტკიცე პრიორიტეტად რჩება გამოსავლის ვანკუვერში პოვნა. თუ არსებობს ადგილობრივი მფლობელთა ჯგუფი შესაბამისი რესურსებით, მოვუწოდებთ მათ, გამოჩნდნენ.“
„ვიცი, რომ ვანკუვერში ბევრი ადამიანი ავაღელვეთ... ძალიან სასიამოვნოა იმის მოსმენა, რომ ისეთ ქალაქში, როგორიც ვანკუვერია, ჰოკეის ქალაქში, ჩვენ შევქმენით საფეხბურთო აჟიოტაჟი“ - აღნიშნა თომას მიულერმა.
მიუხედავად გაურკვევლობისა, ვანკუვერ უაიტკეპსი სეზონს ბრწყინვალედ ატარებს და დასავლეთ კონფერენციაში მეორე ადგილზეა.
