იბერია 1999 ევროტურნირებისთვის გაძლიერებას აპირებს.
ქართული სპორტის ქომაგების ინფორმაციით, საქართველოს მოქმედი ჩემპიონი ორი გამოცდილი ქართველი ფეხბურთელის, გიორგი ბერიძისა და გიორგი აბურჯანიას დამატებაზე მუშაობს.
ევროტურნირების ძირითად ბადეში მოხვედრის შემდეგ ქართული გუნდისთვის აღნიშნული ტრანსფერები პრიორიტეტია, მოლაპარაკებები ორივე ფეხბურთელთან აქტიურად მიმდინარეობს.
29 წლის შემტევი, გიორიგ ბერიძე, სხვადასხვა დროს გორის დილაში, ზესტაფონში, გენტში, ტრენჩინში, ლოკერენში, ანკარაგუჯუსა და ქოჯაელისპორში თამაშობდა, ბოლოს კი უნგრული უიპეშტის წევრი იყო.
31 წლის ნახევარმცველი აბურჯანია კი რუსთავის მეტალურგში, დილაში, ლოკომოტივში, ანორთოსისში, ხიმნასტიკში, სევილია B-ში, ლუგოში, ტვენტეში, ოვიედოში, კარტახენაში, ჟილ ვისენტეში, ჰათაისპორსა და AVS-ში ასპარეზობდა, ბოლოს კი საუდის არაბეთის ჯედას წევრი იყო.
გიორგი ბერიძეს საქართველოს ნაკრებში 8 მატჩი აქვს ჩატარებული, აბურჯანიას კი - 39. ორივე მათგანი ამჟამად თავისუფალი აგენტია.
წყაროს ცნობით, ქუთაისის ტორპედოში გადასვლამდე, თბილისის იბერია ნოდარ ლომინაძის ტრანსფერზეც მუშაობდა, თუმცა ფეხბურთელზე უარის თქმა პირადად ანდრეი დემჩენკოს გადაწყვეტილება იყო.
შეგახსენებთ, რომ ქართულმა გუნდმა უეფას კონფერენს ლიგაზე გასვლა გაინაღდა, ევროპა ლიგის საკვალიფიკაციო ეტაპის პლეიოფში კი შოტლანდიურ რეინჯერსსა და პოლონურ იაგელონიას შორის გამარჯვებულს შეხვდება.
"ეს თუ არ გამოსწორდა, გაგვიჭირდება" - დემჩენკომ პრობლემაზე ღიად ისაუბრა
