საფრანგეთის ნაკრების ყოფილმა მცველმა, ბენჟამენ მენდიმ, 2018 წლის მსოფლიო ჩემპიონატის თასის ოფიციალური ასლი და პოლ პოგბას ნაჩუქარი საჩემპიონო ბეჭედი აუქციონზე გაყიდა.
ამერიკულმა სააუქციონო სახლმა Goldin-მა მენდის კუთვნილი ჯილდოები 54 000 ევროდ გაასხვისა. თასზე, რომელსაც ხმარების მცირე კვალი ეტყობა, მოსკოვის ფინალის დეტალებია ამოტვიფრული და მას ფეხბურთელის მიერ ხელმოწერილი ავთენტურობის სერტიფიკატიც ახლდა.
მენდის კარიერა, რომელიც მანჩესტერ სიტიში თამაშისას მსოფლიოს ყველაზე ძვირადღირებული მცველი იყო, 2021 წელს მძიმე ბრალდებების გამო პრაქტიკულად დასრულდა. სასამართლოს მიერ სრულად გამართლების შემდეგ, ფრანგმა ფეხბურთელმა კარიერის გადარჩენა პოლონურ პოგონ შჩეცინში სცადა, სადაც ცოტა ხნის წინ კონტრაქტი კიდევ ერთი წლით გაახანგრძლივა.
